Назарбаев даңғылы бойындағы «Саяхат» аялдамасы жанында әйел адамды көлік қағып, нәтижесінде қайтыс болды деп облыстық полиция департаментінің баспасөз қызметіне сілтеме жасап Uralskcity.kz хабарлайды.
Жол-көлік оқиғасы 14 қыркүйек күні сағат 00.40-та орын алған. 53 жастағы әйел жаяу жүргіншілер өткелінен өтіп бара жатып «Мерседес Бенс-200Е» автокөлігінің астынан бір шыққан. Жедел жәрдем шақырылғанмен, өкінішке орай, жәбірленуші көмек келгенге дейін өмірден өтіп кетті.
Шетелдік маркалы автокөлік арнайы тұраққа қойылды, ал оның иесіне қатысты бұлтартпау шарасы – ешқайда кетпеу туралы қолхат алынды. Аталған факті бойынша сотқа дейінгі тергеу басталды, оқиғаның мән-жайларын зерттеу бойынша сараптама тағайындалды.