Call-орталық арқылы сыбайлас жемқорлыққа қарсы іс-қимыл

Фото: firestock.ru
Фото: firestock.ru

Республика бойынша сыбайлас жемқорлыққа қарсы іс-қимыл агенттігінің 1424 Call-орталығының бірыңғай нөмірі жұмыс істейді, БҚО сыбайлас жемқорлыққа қарсы іс-қимыл департаментіне сілтеме жасай отырып, дайындалып жатқан немесе жасалған сыбайлас жемқорлық құқық бұзушылық туралы ақпарат қабылданады деп хабарлайды uralskcity.kz.

Call-орталық тәулік бойы жұмыс істейді. Аталған нөмірге қоңырау шалып, кәсіпкерлік қызметке кедергі келтіру жағдайлары туралы да хабарлауға болады.

Сыбайлас жемқорлыққа қарсы іс-қимыл жөніндегі облыстық департаментте атап өткендей, өткен жылмен салыстырғанда call-орталық арқылы келіп түскен хабарламалар негізінде қозғалған сыбайлас жемқорлық қылмыстар туралы қылмыстық істердің саны екі есе өсті. Мәселен, егер өткен жылдың ішінде сыбайлас жемқорлыққа қарсы қызмет барлығы 32 қылмыстық іс қозғаса, ағымдағы жылдың 7 айында call-орталығының хабарламалары бойынша 31 сотқа дейінгі тергеу ұйымдастырылды.

Мысал ретінде сыбайлас жемқорлыққа қарсы орган осы жылдың шілде айында 50 мың теңге көлемінде айыппұл төлеуге сотталған АШМ Орман шаруашылығы комитетінің "Охотзоопром "ӨБ" РМҚК Батыс аймақтық филиалы басшысының м.а. Қуаныш Әлімқұловқа қатысты қылмыстық істі келтірді. Параны шенеунік өзінің қарамағындағыдан жұмыстан босатпағаны үшін сыйақы ретінде және одан әрі қызмет ету бойынша қамқорлығы үшін алған.

Ал, өткен аптада Павлодар облысының call-орталығы арқылы сотталушыдан есірткі заттарын табу фактісін жасырғаны үшін осы соманы алған түзеу мекемесінің екі қызметкері ұсталды.

БҚО сыбайлас жемқорлыққа қарсы іс-қимыл департаменті облыс тұрғындарына сыбайлас жемқорлық құқық бұзушылықтарды ашуға ықпал ету үшін көзделген көтермелеу төлемдерінің мөлшерін түсіндіреді:

- сыбайлас жемқорлық құқық бұзушылық туралы әкімшілік істер бойынша - 30 АЕК;

- сыбайлас жемқорлық қылмыстар туралы қылмыстық істер бойынша - 40 АЕК; 

- сыбайлас жемқорлық қылмыстары бойынша орташа ауырлықтағы қылмыстық істер бойынша-50 АЕК; 

- ауыр сыбайлас жемқорлық қылмыстар туралы қылмыстық істер бойынша-70 АЕК; 

- аса ауыр сыбайлас жемқорлық қылмыстар туралы қылмыстық істер бойынша – 100 АЕК;

Ағымдағы жылы Қазақстанда айлық есептік көрсеткіш 2 525 теңгені құрайды.

Егер біздің өңіріміз бойынша статистикаға жүгінсек, биылғы жылы сыбайлас жемқорлық құқық бұзушылықтарын ашуға 4 адам белсенді көмек көрсетті. Сыйақының жалпы сомасы 606 мың теңгені құрады.

Бұдан басқа, халықаралық тәжірибені ескере отырып, сыбайлас жемқорлық фактілері туралы хабарламалары үшін азаматтарды көтермелеудің сараланған жүйесін енгізу мәселесі пысықталуда.

- Пара немесе шығын сомасы 2,5 млн.теңгеден асатын қылмыстар бойынша сот үкімімен белгіленген пара немесе келтірілген шығын сомасының 10% - ын, бірақ шекті деңгейден аспайтын (мысалы, 10 млн. теңге) белгілеу ұсынылады, - деп облыстық сыбайлас жемқорлыққа қарсы күрес департаментінің ақпаратында атап өтілген.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции
Оцените первым
(0 оценок)
Пока еще никто не оценил
Пока никто не рекомендует
Авторизируйтесь ,
чтобы оценить и порекомендовать
Комментарии